മാനന്തവാടി ബ്ലോക്ക് പഞ്ചായത്ത് വനിതാ വിപണന കേന്ദ്രം, ടേക്ക് എ ബ്രേക്ക് എന്നീ കെട്ടിടങ്ങളുടെ ഉദ്ഘാടനം നടത്തി

November 13, 2026

 

മാനന്തവാടി ബ്ലോക്ക് പഞ്ചായത്ത് വനിതാ വിപണന കേന്ദ്രവും 'ടേക്ക് എ ബ്രേക്ക്' വിശ്രമകേന്ദ്രവും നാടിന് സമർപ്പിച്ചു

മാനന്തവാടി: മാനന്തവാടി ബ്ലോക്ക് പഞ്ചായത്തിന്റെ ആഭിമുഖ്യത്തിൽ നിർമ്മാണം പൂർത്തിയാക്കിയ വനിതാ വിപണന കേന്ദ്രത്തിന്റെയും 'ടേക്ക് എ ബ്രേക്ക്' വിശ്രമകേന്ദ്രത്തിന്റെയും ഉദ്ഘാടനം 2026 നവംബർ 06 വെള്ളിയാഴ്ച ഉച്ചകഴിഞ്ഞ് 2.30-ന് നടന്നു. ബഹു. വനിതാ, ശിശു വികസനം, തൊഴിൽ, ക്ഷീര വികസനം, മൃഗസംരക്ഷണ വകുപ്പ് മന്ത്രി അഡ്വ. ബിന്ദു കൃഷ്ണ കെട്ടിടങ്ങളുടെ ഉദ്ഘാടനം നിർവ്വഹിച്ചു.

വനിതാ സംരംഭകരുടെ ഉത്പന്നങ്ങൾക്ക് മികച്ച വിപണന സൗകര്യം ഒരുക്കുന്നതിനും പൊതുജനങ്ങൾക്കും യാത്രക്കാർക്കും ആധുനിക രീതിയിലുള്ള വിശ്രമസൗകര്യങ്ങൾ ലഭ്യമാക്കുന്നതിനുമാണ് ബ്ലോക്ക് പഞ്ചായത്ത് ഈ പദ്ധതികൾ നടപ്പിലാക്കിയത്.

മാനന്തവാടി ബ്ലോക്ക് പഞ്ചായത്ത് പ്രസിഡന്റ് ശ്രീമതി മീനാക്ഷി രാമൻ ചടങ്ങിൽ അധ്യക്ഷത വഹിച്ചു. മാനന്തവാടി എം.എൽ.എ. ശ്രീമതി ഉഷ വിജയൻ വിശിഷ്ടാതിഥിയായി പങ്കെടുത്തു. ബ്ലോക്ക് പഞ്ചായത്ത് ഭരണസമിതി അംഗങ്ങൾ, വിവിധ ജനപ്രതിനിധികൾ, ഉദ്യോഗസ്ഥർ, പ്രദേശവാസികൾ തുടങ്ങിയവർ ചടങ്ങിൽ സന്നിഹിതരായിരുന്നു

image